《I love HK people》
話說今朝睇完醫生搭火車嘅時候
火車突然急停
然後聽到車長開咪問發生咩事
然後我聽到隔離果卡有人叫*有無人識急救*
我即刻衝去隔離果卡
見到個女仔訓左喺地下
即刻assess左佢個gcs
好彩係醒嘅，只係唔係好講到野，唔係好郁到
隔離個男仔話個女仔頭跌落地下先
跟手check埋個頭有無整襯
好彩都係無表面傷痕
跟住周圍嘅人就即刻發揮香港人熱心助人嘅精神
有個阿伯即刻用藥油係咁捽女仔個鼻
有個男仔話要固定個女仔條頸，驚佢有neck injury
有個師奶叫啲人散開，比啲空氣個女仔
有個阿叔叫人讓坐，
然後啲坐喺度嘅乘客即刻企晒起身，讓出一排凳
有個女人通個車長開車去下個站搵人幫手
到左九龍塘，出面啲職員已經推晒輪椅等我地
由於個女仔無朋友，所以我同個男仔跟埋佢去staff room, 睇下洗唔洗幫手
個女仔最尾雖然好weak n pale 但就醒晒，仲打到電話比佢個朋友..港鐵職員話佢地會follow落去，跟住我地就走左啦..
今日好開心+感動
因為我覺得香港人真係好好呀：）
個個都好熱心幫人，
I feel so warm today:-)
後記：
走果陣我問個男仔係咪識急救（因為佢好醒地話要固定條頸）
佢話佢係啱啱出班嘅消防員
woow, 年青有為，仲好heart tim
咁難得比我撞到個消防員......😏😏😏
梗係即刻問佢.............
...................................
😏😏😏😏😏😏
問佢....點睇之前尖沙咀消防局欺凌消防員事件啦！
😝😝😝
佢嘅官方答案係：佢無遇過e d😂😂😂
完：）
Search